img

Kunambi ajibiwa maombi yake na Serikali, kituo Cha Treni chafunguliwa Chisano

August 5, 2021

SERIKALI imejibu maombi ya Mbunge wa Jimbo la Mlimba Morogoro, Godwin Kunambi juu ya kufunguliwa kwa kituo kidogo cha abiria kusubiri Treni ‘Hot Station’ katika Kata ya Chisano kilichokuepo hapo awali lakini baadaye kikafungwa lakini sasa serikali imeruhusu kiwepo.

Katika ziara yake ya kikazi aliyoifanya Februari Mwaka huu, Mbunge Kunambi alilalamikiwa na wananchi wake juu ya adha wanayoipata ya kushindwa kutumia kituo hicho kwa wasafiri wanaotumia usafiri wa Treni.

Akichangia hotuba ya bajeti ya Wizara ya Ujenzi na Uchukuzi Mei 18, Mwaka huu, Kunambi alimuomba Waziri Dk Leonard Chamurilo kuruhusu kuwepo Kwa kituo hicho kidogo ambacho kilifungwa kwa miaka 10 na hivyo kuwa changamoto kwa wananchi wa Kata hiyo ambayo ni watumiaji wakubwa wa Reli hiyo ya Tazara.

“Mlinipa changamoto ya Kituo kidogo Cha Treni hapa, tunashukuru Serikali yetu inayoongozwa na Rais Samia Suluhu Hassan kwa kukubali maombi yetu na sasa kibao kinachoashiria kuwepo kwa kituo kimeshawekwa na kuanzia Mwezi ujao tunaamini Treni itakua inasimama hapa.

Nyinyi ni mashahidi kwa miaka 10 kituo hiki kilifungwa hivyo sasa kufunguliwa kwake ni msaada mkubwa kwetu kwani usafiri wetu wananchi wa Chisano ni Treni, niwaahidi kama Mbunge wenu nitahakikisha ndani ya muda mfupi anajenga choo na banda la kukuzuia mvua.

” Baada ya Serikali kuturudishia kituo chetu hiki mimi kama Mbunge wenu mnanidai Choo na Banda la kujizuia na mvua au jua ili pia kutoa fursa kwa wajasiriamali kufanya biashara zao eneo hili na kuongeza vipato vyao,” Amesema Kunambi.

Kunambi amewaeleza wananchi wa Kata hiyo ya Chisano kuwa tayari amepata kiasi cha Sh Bilioni 1.5 kwa ajili ya kutengeneza miundombinu ya Barabarani kwenye Jimbo hilo na Kata hiyo itanufaika na fedha hizo ambapo barabara zake nne zimetengewa fedha kwa ajili ya kutengenezwa.

Kwa upande wake Diwani wa Kata y Chisano, Evaristo Danda  amemshukuru Mbunge Kunambi kwa namna ambavyo amekua akisukuma miradi ya maendeleo kwenye kata hiyo ikiwemo kufanikisha kupatikana kwa kituo hicho cha Hot Station ambacho kitachangia kukuza uchumi wa wananchi wake pamoja na kugusa sekta ya afya, elimu na maji.

,

Article Categories:
Uncategorized

Leave a Reply

Your email address will not be published. Required fields are marked *