img

Mwakamo ataka vituo vya watoto wenye mahitaji maalumu visaidiwe

January 4, 2021

Na Omary Mngindo, Mlandizi

MBUNGE wa Jimbo la Kibaha Vijijini Mkoawa Pwani Michael Mwakamo, amewaomba wakazi jimboni hapa kuendelea na utamaduni wa kutembelea vituo vinavyolea watoto wenye mazingira hatarishi na kuvisaidia.

Aidha amewataka wakazi wenye miti ya matunda ambayo kuna wakati inakuwa na matunda mengi mpaka yanaharibika, kuyavuna kisha kuyapeleka kwenye vituo hivyo badala ya kuyaacha yakioza mtini au yamedondoka ardhini.

Mwakamo ametoa rai hiyo kwenye chakula cha pamoja na kituo cha Masjud Nour cha Mlandizi, kilichoandaliwa na ofisi yake akishirikiana na wadau mbalimbali, ambapo watu kadhaa walihudhuliwa hafla hiyo ikiwa ni kuukaribisha mwaka mpya.

“Hawa ni vijana wetu wanaolelewa katika kituo hiki na vingine vilivyopo jimboni kwetu, nao walikuwa na wazazi kama sisi lakini kwa mapenzi ya mungu sasa hawana hivyo kulelewa na vituo hivi, hivyo niwaombe tuvitembelea na kuvisaidia,” alisema Mwakamo.

Aidha alisema kwamba akiwa Mtendaji Kata maeneo mbalimbali alikuwa anaagizwa na viongozi waliokuwa juu yake, lakini sasa amekuwa Mbunge hivyo anatambua fika changamoto zilizopo na kwamba anawaomba wakazi wa ndani na nje ya Jimbo kuvitembelea na kuvisaidia.

Awali kiongozi wa kituo hicho Seif Wenge akisoma taarifa aliyoiandaa imelezea mafanikio na changamoto zinazowakabili, ikiwemo ya kukosekana kwa uzio, hali inayochangia watu kukatisha wakati wowote.

“Kituo chetu kilianzia Kilngalanga, baadae jirani na soko la Mlandizi kabla ya kujenga majengo haya mnayoyaona haya ni mafanikio lakini bado tuna changamoto tunaomba wadu wake kuvisaidia,” taarifa ya Wenge ilielezea taarifa hiyo.

Alisema kwamba katika sekta ya elimu kituo kimetoa wanafunzi wawili ambapo wamefaulu na kutakiwa kuanza elimu ya sekondari kuanzia mwaka wa 2021, ambapo wanahitaji vifaa mbalimbali vinavyohitajika katika masomo.

,

Article Categories:
Uncategorized

Leave a Reply

Your email address will not be published. Required fields are marked *