img

Mtoto wa mwaka wa Time Kid la watoto Gitanjali Rao ameazimia ‘kutatua matatizoya dunia

December 12, 2020

Dakika 4 zilizopita

Scientist and inventor Gitanjali Rao on the Time magazine cover as "kid of the year"

Maelezo ya picha,

Gitanjali Rao anasema haonekana kama “mwanasayansi halisi “

Msichana mwanasayansi na mvumbuzi aliyetangazwa kama Mtoto wa Kwanza wa Dunia wa mwaka amesema kuwa anatumai atawahamasisha wengine kubuni mawazo ya “kutatua matatizo ya dunia “.

Gitanjali Rao, mwenye umri wa miaka 15, amevumbua teknolojia mbali mbali ikiwa ni pamoja na kifaa ambacho kinaweza kutambua muongozo katika kunywa maji, na app au programu ya mtandao ambayo inaweza kutambua uonevu wa kimtandao

Alichaguliwa miongoni mwa watoto zaidi ya 5,000 waliokuwa wameteuliwa kugombea nafasi ya -Mtoto wa Mwaka.

“Kama ninaweza kufanya uvumbuzi, unaweza pia kuufanya, na nina imani yeyote anaweza kuvumbua ,”alisema.

Katika mahojiano na jarida Time na muigizaji na Angelina Jolie, Bi Rao alisema kuwa hafanani na ”mwanasayansi halisi”,

“Kila kitu ninachokiona kwenye televisheni kiko hivyo , kwa kawaida utawaona wazungu wanaume ndio wanasayansi ,” alisema.

“Lengo langu limegeuka kwa kweli si tu kuanzia kubuni kifaa changu binafsi kwa ajili ya kutatua matatizo ya dunia, bali kuwahamasisha wengine kufanya niliyofanya pia. Kwasababu, kutokana na uzoefu wangu binafsi , sio rahisi unapokosa kumuona mtu mwingine anayefanana na wewe .”

Bi Rao, kutoka jimbo la Marekani la Colorado, alisema kuwa kuma matatizo mengi yanayohitaji kutatuliwa.

” Kizazi chetu kinakabiliwa na matatizo ambayo hayakuwahi kushuhudia miaka ya nyuma . Lakini wakati huo huo tunakabiliwa na matatizo ambayo yalianza zamani na ambayo bado yapo ,” aliliambia jarida la Time.

“Kwa mfano, tupo katikati ya janga la dunia,na wakati huo huo bado tunakabiliwa na matatizo ya haki za binadamu . Kuna matatizo ambayo hatukuyasababisha lakini ambayo tunahitaji kuyatatua sasa, kama vile mabadiliko ya tabia nchi na uonevu wa kimtandao yaliyoletwa na teknolojia .”

Tuzo ya Timeni ya hivi karibuni kutolewa kwa Bi Rao.

Awali alitangazwa kama ”mwanasayansi wa kwanza wa Marekani aliye na umri mdogo zaidi” kwa kuvumbua kipimo cha haraka na cha rahisi cha maji machafu.

Gitanjali Rao anasema watu hawapaswi kuogopa kufanya kile wanachokipenda
Maelezo ya picha,

Gitanjali Rao anasema watu hawapaswi kuogopa kufanya kile wanachokipenda

Time magazine lilianza kwa kwa kumtangaza Mwanaume wa Mwaka mwaka – Man of the Year mwaka 1927, na baadaye itamtaja Mtu wa mwaka – Person of the Year.

Mwaka jana, Greta Thunberg, Mwanafunzi wa kike kutoka Uswiss ambaye alihamasisha vuguvugu la dunia la mapambano ya mabadiliko ya hali ya hewa , alikuwa mtu mwenye umri mdogo zaidi kuchaguliwa na jarida hilo.

Time lilisema kuwa mtoto mpya wa mwaka ni “kipimo cha viongozi wadogo wanaoibukia wa kizazi kijacho cha Marekani “.

Jarida hilo linajiandaa kumtangaza Mtu wake wa Dunia mwaka 2020 wiki ijayo.

Source link

,

Article Categories:
Uncategorized

Leave a Reply

Your email address will not be published. Required fields are marked *