img

Waziri wa elimu Zanzibar atoa maagizo kuhusu usafi wa mazingira

November 29, 2020

Waziri wa Elimu na Mafunzo ya Amali Zanzibar Mhe Simai Mohamed Said ameesema kuna umuhinu mkubwa wakufaya usafi wa mazingira katika maeneo yaliyowazunguka ili kujikinga na maradhi mbalimbali.

Akizungumza wakati wa zoezi maalum la usafi wa mazingira kwa watendaji wote wa Wizara ya Elimu Zanzibar amesema uwajibikaji kazini unahitaji mazingira safi na salama.

Amesema  Wananchi wa Zanzibar wakiwa na utamaduni wa kua na siku maalum ya kufanya usafi katika maeneo mbalimbali kutaisaidia nchi kua na miji safi. 

Aidha amewapongeza watumishi wote wa wizara ya Elimu na Mafunzo ya Amali Zanzibar kwa kuitikia wito na kuhudhuria kwa wingi katika zoezi la usafi ambalo limeleta muonekano mzuri katika wizara yao.

Amewataka kuhakikisha kuwa zoezi hilo linakuwa  endelevu ili kuweka mazingira safi na salama.

Nae Katibu Mkuu Wizara ya Elimu mu na Mafunzo ya Amali Zanzibar Dkt.Idrisa Muslim Hija amesema  ni muda wa wananchi wote wa Zanzibar kuendeleza utamaduni wa usafi kwani usafi ni ibada katika dini zote.

Akizungumza kwa niaba ya wafanyakazi wenzie wa wizara ya Elimu na Mafunzo ya Amali Zanzibar bi Nabila Habibu amempongeza Waziri wao kwa kuanzisha zoezi hilo na kufanya Wizara yao  kua mfano kwa Wizara yengine katika kudumisha usafi maofisini.

Wakati huo huo Mhe Simai ameshiriki usafi wa mzingira katika Taasisi ya Sayansi Karume na kuwataka wanafunzi waliopo ndani ya dakhalia wa Taasisi hiyo na kwengine kuhakikisha wanafanya usafi kila wiki ili kujiepusha naradhi mbalimbali yakiwemo ya miripuko.

Kwa upande wao Wanafunzi wa Dakhalia ya Taasisi ya Sayansi Karume KIST wamekiri kuwepo kwa mazingira machafu ndani ya dakhalia yao ambapo wameahidi kusafisha ili waondokane na muonekano mbaya wa dakhalia zao.

Katika hatua nyengine zoezi kama hilo limefanyika katika ofisini mbalimbali za Wizara ya Elimu Pemba ambapo Afisa Mdhamini wa Wizara hiyo Maalim Mohammed Nassor ameliongoza hilo.

Zoezi la usafi wa mazingira limefanyika katika Idara na Taasisi zote za Wizara ya Elimu na Mafunzo ya Amali Zanzibar na litaendelea kufanyika kila Jumamosi ya mwisho wa mwezi ili kuepusha ofisi kuwa na muonekano  mbaya.

,

Article Categories:
Uncategorized

Leave a Reply

Your email address will not be published. Required fields are marked *